Абай (Ибраһим) Құнанбайұлы (1845-1904) – қазақтың ұлы ақыны, композиторы, ағартушысы, ойшылы, қоғам қайраткері, қазақ жазба әдебиетінің негізін қалаушы және оның тұңғыш классигі. Абай өз шығармаларында қазақ халқының қоғамдық өміріндегі мәселелерді көтеріп, оларды шешу жолдарын көрсетуге тырысты. Ол ағартылған ислам негізінде еуропалық мәдениетпен жақындасу рухындағы мәдениет реформаторы ретінде танымал. Абайдың өлеңдері мен қара сөздері қазақ халқының рухани байлығына айналған, оның мұрасы ұрпақтан-ұрпаққа жалғасып келеді.
Абайға арналған ескерткішті белгілі елордалық мүсінші Асқар Нартов жасаған. Ескерткіштің биіктігі 11 метр, ол ұлы ақынның бейнесін асқақтата көрсетіп, оның даналығы мен парасатын паш етеді. Бұл ескерткіш Абай Құнанбайұлының 175 жылдығына орай орнатылды. Ескерткіштің ашылуы ұлы ақынның мұрасын құрметтеудің айқын көрінісі болып табылады.
Ескерткіштің салтанатты ашылу рәсіміне қоғам белсенділері, мемлекеттік қызметкерлер, ардагерлер мен жастар қатысты. Шараға жиналған қауымды облыс әкімі Махамбет Досмұхамбетов құттықтап, Абайдың қазақ халқының мәдениеті мен әдебиетін дамытудағы зор еңбегін атап өтті.
